Има 21 година, свој бизнис и порака до државата
Објавено во: Финансии 26 Септември, 2017
Иван Мрвош, младиот пронаоѓач на „паметни клупи“ и сопственик на компанијата Include, на Фејсбук даде свое видување за состојбите во Хрватска.
Тој објасни зошто им се лути на политичарите и потсети на изјавите кои ги дале во последните неколку месеци.
„Како знаеш дека од сѐ ти е доста? Наутро кога ќе станеш се прашуваш дали сето ова ти треба. Има ли смисла воопшто да се обидеш да изградиш нешто на лоши темели (држава). Кога ќе се затекнеш себе си како на телевизија секоја вечер пцуеш по секој прилог, тогаш сфаќаш дека си собрал многу омраза и негативност во себе“ - пишува Мрвош.
Вели дека е штета што со народни пари се плаќаат лоши политичари.
Младиот иноватор со 19 години отвори фирма, а веќе има сериозни инвестиции. Тој се обидуваше своите светлечки столици да ги продаде на кафулиња во Сплит, а неговите „паметни клупи“ се шират низ Европа.