ИМА И НЕГАТИВНИ ИСКУСТВА ОД ИСЛАНД: Еве како поминал овој работник
Објавено во: Финансии 11 Октомври, 2017
Откако хрватскиот пратеник Горан Алексиќ сподели одлично искуство на некој Хрват за работа во Исланд, медиумите пишуваат дека има и поинакви приказни.
За хрватските медиуми друг Хрват раскажува дека луѓето во Исланд треба да заминат само ако веќе имаат таму некој кој живее 10 години.
„И тоа само ако тој некој им е близок, инаку во спротивно нема добро да си поминат. Поминав пет месеци во Исланд, работејќи во град близу Рејкјавик и ќе ви ги опишам деветте круга на пеколот. Како прво не е точно дека на првата плата не плаќате данок, затоа што јас уредно платив 37%. Второ, плата на касиерки во супермаркети не е 3000, туку 2000 евра, дури и нешто помалку и по правило тука работат млади од 18 години, а ретко може да се види госпоѓа од 40 години. Трето во банката не ви даваат извештај за плата, иако во фирмата кажуваат така“ - раскажува Хрватот.
Тој додава дека луѓето се нељубезни, дека никој никогаш не помага, дека становите се скапи и дека само изгледа дека имаат добар стандард.