ИМА ЛИ КРАЈ: Биткоинот вреди скоро 7000 долари
Објавено во: Финансии 02 Ноември, 2017
Биткоинот урна уште еден рекорд и за прв пат се искачи на 6.900 долари. За време на почетокот на денот на тргувањето, криптовалутата успеа да го достигне лимитот од 7.000 долари, достигнувајќи ја новата цена од 6.994,01 долари, според „CoinDesk“.
За само 12 месеци, најпопуларната виртуелна валута порасна за неверојатни 917%. За споредба, на почетокот на ноември лани биткоинот се тргуваше по цена од околу 690 долари. Од почетокот на годината, цената се зголемува на 622%, па криптовалутата ја започна 2017-та година по цена од околу 970 долари.
По неодамнешната промена на цената на својата виртуелна валута, нејзината вкупна капитализација достигна 117 милијарди долари.
Годинава биткоинот го направи најголемиот пробив, предизвикувајќи го светот да почне да зборува за виртуелни валути и „блокчејн“ технологијата.
Според некои прогнози до Нова година биткоинот може да достигне 10.000 долари.