Има ли реална закана за поскапување на лебот?
Објавено во: Економија 24 Септември, 2017
Постои закана од зголемување на цената на лебот и пекарските производи која не треба да се потцени бидејќи по слабиот род годинава и намалените количини на пченица од домашно производоство мелничарите и пекарите повеќе ќе зависат од увозот. од Групацијата на мелничари при Стопанската комора на Македонија, велат дека ако дојде момент лебот да се прави со увезена пченица можно е и зголемување на цената.
„Македонија е пазарно стопанство и ние функционираме пазарно автоматски зголемување на цена на пченицата значи и зголемување на цената на брашното, а реално можно и цената на лебот да се зголеми. Но, во некое догледно време. До сега има некое зголемување на цената на пченицата за 12 – отсто споредено со лани, но ценатана лебот се држи иста и тоа е заради залихити кои ги има кај трговците и произведувачите.“ – изјави Горан Милишиќ – претседател на мелничко – пекарска групација за Алсат-М.
Од Министерството за земјоделство смируваат и убедуваат елат дека цената нема да се зголеми.
„Според досегашните анализи не се очекува дестабилизација на пазарот на пченица, ниту поскапување на пекарските производи. Министерството за земјоделство, шумарство и водостопанство внимателно ја следи состојбата на терен и нема да дозволи загрозување на домашното производство на пченица“. – соопштуваат од Министерство за земјоделство
Годинешната жетва е многу послаба и потреби за пченица ќе мора да се покријат со увоз што може да ги зголеми цените. За да не се доведува државата во неповолна состојба мора да се промени на начинот на субвенции со цел да се постигнат подобри резултати на подолго рок.
„Субвенционирањето да биде преку предаден килограм, во преработувачки или лиценциран откупувач. На тој начин ќе се принудат сите земјоделци да ја предаваат пченицата само кај овие откупувачи, што од друга страна ќе се овозможи класифицирање на пченицата по квалитет. А и субвенциите да бидат според квалитетот на пченицата.“ – вели Милишиќ
На овој начин освен што ќе се натераат земјоделците да произведуваат квалитено лебно зрно, ќе се мотивираат да ги зголемуваат површините засеани со пченица. Заради ниската откупна цена од 11 денари по килограм, голем дел од земјоделците престанаа да садат жито.