ИНЦИДЕНТ: Се запали мотор на авион на „Ер Србија“ на скопскиот аеродром

Добивај вести на Viber

Сервисери на авиокомпанијата „Ер Србија“ од утрово се на аеродромот „Александар Велики“ за да го испитаат дефектот на авионот на оваа авиокомпанија, кој заради технички проблеми вчера не полета од Скопје. Дефектот на авионот бил откриен вчера, непосредно пред полетувањето за Белград. Патници тврдат дека десниот мотор на леталото се запалил. „Воопшто не ми беше пријатно, забележав само како гори моторот. Веднаш ~ кажав на стјуардесата дека моторот гори. Таа погледна низ прозорецот и се исплаши од глетката. Во авионот почна да мириса на изгорено. Не паничев, ама веднаш моравме да го напуштиме. Овој момент ќе го памтам цел живот. Многу се исплашив од глетката бидејќи огнот можеше да се прошири. Сепак, на крајот тоа се спречи“, вели за Дневник една патничка, која од Белград требало да патува преку океан Според информации од компанијата, пак, станува збор за помал технички дефект. Откако дефектот ќе биде првично саниран, авионот ќе одлета во матичниот сервис-центар во Белград. Според македонските воздухопловни власти станува збор за број на лет „РО 9212“ кој требало да полета во 4.35 часот вчера, а за сите дополнителни информации околу одложувањето на летот упатуваат одговор да се бара од компанијата.