Иран забрани продажба на статуетки Буда
Објавено во: Свет 18 Февруари, 2013
По Барбики и ликовите од анимираната серија „Симпсонови“, иранските власти забранија и продажба на статуетки со ликот на Буда, пишува весникот „Арман“.
Иранските власти заплениле голем број статутекти со ликот на Буда низ продавниците во Техеран со цел да го спречат влијанието на будизмот во земјата, истакнува независниот весник.
Техеран забрани продажба на одредени предмети со цел да го намали влијанието на Западот, но ова е прв случај на противење на симболи од Истокот.
Весникот пренесува изјава на Саид Џабер Ансари, претставник за заштита на културното наследство на Ирак, кој статуетките на Буда ги нарече симболи на „културна инвазија“.
Ансари истакна дека властите нема да дозволат некоја религија да биде промовирана со помош на такви предмети.