ИСТ ОБРОК ВО ДВЕ ЗЕМЈИ: Богатите го плаќаат 1.2 долари, а сиромашните 321,7 долари
Објавено во: Финансии 16 Октомври, 2017
Храната во светот не е секаде подеднакво достапна, некаде е прескапа, а некаде е многу евтина.
Во американската држава Њујорк за подготовка на едноставен оброк од грав потребни се 1,2 долари или 0,6% од просечниот дневен приход.
Во Јужен Судан, најлошо рангиран во регионот, ист таков оброк чини 268 пати повеќе, односно 321,7 долари, ако се земе предвид куповната моќ и просечниот дневен приход во оваа земја.
Трошоците за еден оброк во најсиромашните земји на светот можат да достигнат цена од неколку американски долари, во еквивалент со куповната моќ, покажува најновото истражување на Светската програма за храна.
Секој ден, 815 милиони луѓе гладуваат, а разликите во земјите се очигледни, се наведува во соопштението на Програмата, по повод Светскиот ден на храната – 16 октомври.
Земји и територии со најлоша оценка се Јужен Судан, Нигерија, Деир ез Зор во Сирија, Малави и Демократска Република Конго.
Извршниот директор на Светската програма за храна, Дејвид Бизли изјави дека „истражувањето за броење зрна грав е сериозен потсетник за степенот до кој конфликтите создаваат сурови нееднаквости во поглед на достапноста до храната“.