Италијанци со супер-компјутер ќе откриваат нафта
Објавено во: Економија 22 Јануари, 2018
Италијанската компанија за нафта и гас Eni S.p.A. го активираше нивниот нов супер-компјутер кој има неверојатна моќ за пресметки од 18,5 петафлопи. Станува збор за масовна компјутерска конструкција составена од најмоќните компјутерски процесори на Intel од новата генерација помогнати од екстра квалитетни графички карти на NVidia.
Со оваа супер моќна машина Eni ќе може да врши темелни и напредни анализи на податоци како за своето бизнис организирање и оптимизација на работењето, така и во истражувањето на геолошките локалитети.
Со активирање на супер компјутерот HPC4, компанијата ќе може за десетина дена да ги проучи сите анализи, истражувања и податоци за да детерминира дали на одредена локација може да се експлоатира нафта, во какви капацитети и со каква економска исплатливост.
Супер-комјутерот на Eni е инсталиран во зеленото седиште на компанијата во Ferrera Erbognone, на 60 километри одалеченост од Милано и еден од десетте најмоќни во светот, но не е посочено колку изнесува вкупната инвестиција на италијанците.