Иванка Трамп повторно до Џастин Трудо
Објавено во: Свет 12 Октомври, 2017
Иванка Трамп, ќерката и советник на американскиот претседател Доналд Трамп, повторно имаше прилика да се сретне со канадскиот премиер Џастин Трудо кој медиумите го оценуваат како еден од најголемите шармери меѓу политичарите. На првата средба во Белата куќа имаше бројни коментари за воодушевувањето на Иванка од канадскиот премиер.
Сега, на Самитот на најмоќни жени кој се одржа во Вашингтон, Иванка Трамп и Џастин Трудо беа седнати на иста маса, пред да ги дадат своите говори. Американските медиуми коментираат дека двајцата имале одлична соработка иако идеите на Трудо за продолжување на НАФТА договорот таткото на Иванка најверојатно нема да ги прифати.
Џастин Трудо на Самитот говореше за значењето на женските права и ги повика лидерите да ги почитуваат истите како и да воведат соодветни политики за подобрување на состојбата.
Иванка е една од најмоќните жени во САД бидејќи претседателот Трамп има огромна доверба во неа иако нејзината позиција како советник му донесе многу критики за непотизам во Белата куќа.