Иванов и Јанчев закроија лози во Кавадарци
Објавено во: Македонија 14 Февруари, 2018
Претседателот на Република Македонија Ѓорге Иванов, денеска го посети Кавадарци, каде што, по повод
одбележувањето на православниот празник„Свети Трифун“, присуствуваше на
традиционалната прослава и симболичното закројување на винова лоза.
Македонскиот претседател им го честиташе празникот на граѓаните и во духот на нашата традиција, посака Св. Труфун на лозарите да им донесе многу бериќет, а на винарите квалитет. Тој заедно со градоначалникот на Кавадарци, Митко Јанчев и Митрополитот Повардарски Агатангел го извршија чинот на традиционалното закројување на виновите лози и упатија желби за родна година.
„На овој ден посакуваме годината да биде родна и благородна, да биде успешна, не само за винарите и за лозарите туку и за сите нас“ рече претседателот Иванов.
Градоначалникот на Кавадарци, Митко Јанчев, порача дека годинашното одбележување на „Свети Трифун“ треба да биде почеток за една нова состојба и нови стандарди во лозарството.
„Винарските визби да бидат тие што ќе прават добро вино, лозарите добро грозје,
а државата да биде таа којашто ќе не заштити, заедно со општината, за грозјето
и родот да ни се плаќа на време“ рече Јанчев.