Иванов и папата Франциск за предизвиците од мигрантската криза
Објавено во: Македонија 26 Мај, 2017
Унапредување на соработката меѓу Република Македонија и Ватикан, предизвиците од мигрантската криза и предизвиците со кои се соочува христијанството во светот биле темите на разговор на денешните средби на Ѓорге Иванов со поглаварот на Римокатоличката црква, папата Франциск и со државниот секретар на Ватикан, кардиналот Пјетро Паролин.
– Папата Франциск пројави интерес за состојбите во нашиот регион, за состојбите со беглаците и за сето она што се случува во нашето опкружување, изразувајќи загриженост за сите прогони на христијаните за страдањата што постојат, за она што се случува денеска во светот, изјави Иванов по аудиенцијата кај папата Франциск.
Како што соопшти Кабинетот на Иванов, тој изјавил дека е неопходно папата Франциск да придонесува кон подигање на надежта на луѓето со цел полесно справување со предизвиците во 21 век и како човечка цивилизација да влеземе во период на нормалност.
Иванов му заблагодарил на папата за интересот и грижата за Македонија, што Неговата Светост ја искажа во молитивите.