22 Ноември, 2017
0.3985
    ALK 7231.17    -1.62%     BESK 10300    0%     GRNT 808.46    0.93%     KJUBI 1400    0%     KMB 2697.06    -0.11%     MPT 26306.88    -2.2%     OKTA 2530    -8.1%     RMDEN14 92.2    -2.95%     RZLV 45    0%     RZTK 450    1.81%     RZUS 106    -3.64%     SBT 1987    -9.86%     TNB 13500    0%     TPLF 1605.19    -0.11%     TTK 803.72    -1.5%     ZPKO 2601    0.04%

Изетбеговиќ вели дека ќе го признаат Косово, Србите ќе свикаат Совет за безбедност

Објавено во: Балкан 13 Ноември, 2017

Членот на претседателството на Босна и Херцеговина, Бакир Изетбеговиќ тврди дека БиХ ќе ја признае еднострано прогласената независност на Косово. 

Тој вели дека досега веќе требале да го направат тоа.

На директно прашање, дали Босна и Херцеговина ќе ја признае независноста на Косово, Изетбеговиќ кратко одговорил: „Да“.

„Што се однесува до мене, Косово би требало да биде признаено. Сега ќе се налутат нашите колеги, а нашите обиди тоа да се случи, само ни донесоа проблеми внатре во БиХ, а не му помогнаа на Косово“- рекол Изетбеговиќ во интервју за Дојче веле.

Додава дека сега е во добри односи со сите политички лидери во Санџак, но дека не е задоволен од положбата на тој регион во Србија, кој е населен од мнозинство Босанци.

Српскиот министер за внатрешни работи, Небојша Стефановиќ изјави дека очекува српскиот претседател Александар Вучиќ, во наредните 48 часа, да свика Совет за национална безбедност, за да разгледа какви чекори ќе преземе во иднина и какви ќе бидат односите кон Босна и Херцеговина, по изјавата на Изетбеговиќ.

„Би сакал тоа да не е точно и да се работи за лоша интерпретација на изјавата на Изетбеговиќ, бидејќи, ако е вистина, тоа е еден од најтешките удари, што можат да ѝ бидат нанесени на Србија од една соседна земја. Не знам дали Изетбеговиќ разбира колку ги комплицира и усложнува ситуациите во регионот, не само односите меѓу двете земји, туку и меѓу двата народа. Особено по сите позитивни сигнали, кои претседателот и владата на Србија ѝ ги пружија на БиХ, по сите позитивни работи што ги направивме во меѓународната соработка“- нагласи Стефановиќ за „Вечерње новости“.

Вели дека тоа не може да биде ниту добронамерно, ниту позитивно во односите меѓу Србија и БиХ.

Можеби ќе ве интересира

Генералот Младиќ осуден на доживотна затворска казна

Генералот Младиќ осуден на доживотна затворска казна

Кабинетот на Бугарија денес гласа за поевтини разговори со Македонија

Кабинетот на Бугарија денес гласа за поевтини разговори со Македонија

Утре пресуда за Ратко Младиќ

Утре пресуда за Ратко Младиќ

Уште една земја го повлече признавањето на Косово

Уште една земја го повлече признавањето на Косово

(ВИДЕО) Паднаа тешки зборови - тепачка во српското Собрание

(ВИДЕО) Паднаа тешки зборови - тепачка во српското Собрание

ЦИА откри тајна за Југославија - за што се работи?

ЦИА откри тајна за Југославија - за што се работи?

За Павлопулос Македонија фалсификува историја, а Дуда вели вратите на ЕУ треба да бидат отворени

За Павлопулос Македонија фалсификува историја, а Дуда вели вратите на ЕУ треба да бидат отворени

Словенечка „Крка“ го шири бизнисот во Кина

Словенечка „Крка“ го шири бизнисот во Кина

Ѓукановиќ и по децении пак размислува да биде претседател на Црна Гора

Ѓукановиќ и по децении пак размислува да биде претседател на Црна Гора