Изјавата на Ердоган за Западна Тракија ја провоцира Грција
Објавено во: Балкан 18 Октомври, 2016
Изјава на турскиот претседател Реџеп Таип Ердоган за Западна Тракија предизвика тензии во Грција.
Но, за неколку часа стана јасно дека владини претставници и опозициските партии во Атина биле изгубени во преводот поради неправилно пренесени изјави од агенција АНА-МПА. Во текстот неправилно се цитира и како турскиот претседател вели дека Крџали и Варна исто влегуваат во границите на Турција, пренесе БНТ.
На 15 октомври Ердоган ја отвори учебната година во универзитет во родниот град Ризе на брегот на Црното Море. Тој говореше за офанзивата за враќање на контролата врз вториот по големина град во Ирак - Мосул. Турскиот претседател објаснува зошто Турција треба да учествува во воената операција и како народот не очекува од властите да останат безгрижни кога станува збор за нивните соработници во Мосул.
„Турција не е само Турција. Освен за 79-те милиони свои граѓани, Турција е одговорна и за стотиците милиони свои браќа во географскиот регион со кој ја поврзуваат историски и културни врски" - вели Ердоган.
Тој ја аргументира турската интервенција во воената операција во Мосул, и го споредува градот со други региони - Западна Тракија, поранешни југословенски републики и слично.