Извозот на Кина колабира, се стравува од трговска војна со Трамп
Објавено во: Економија 13 Јануари, 2017
Кинеската царина откри дека во 2016-та извозот на една од најголемите економии во светот паднал за загрижувачки 7.7%, а во исто време се зголемувал и увозот. Само во декември во Кина се увезени стоки и добра вредни 40,82 милијарда долари или раст од 3,1% што е многу повисоко од првичните прогнози.
Во Кина сега постои страв дека откако Доналд Трамп ќе дојде на власт како претседател на САД за неколку дена може да стартува трговска војна која би им наштетила на нивните економски интереси, а со тоа и извозот дополнително би се намалил или пак би стагнирал.
Кина најмногу увезуваше индустриски и енергетски материјали, како сурова нафта, јаглен, бакар, челик и соја со цел да ја „храни“ својата мегаломанска економска инвестициона политика која најмногу го креваше економскиот раст, но сега се соочува со можен дисбаланс на надворешната трговија што секако негативно ќе влијае на вредноста на јуанот.