Ја напуштила работата во Гугл и почнала свој бизнис
Објавено во: Финансии 23 Февруари, 2017
Хајди Зак ја напуштила работата во Гугл и почнала свој бизнис.
„Кога имате бизнис, како да имате дете“ - вели таа.
Таа во 2012 година си заминала од Гугл каде била маркетинг менаџер и почнала свој бизнис.
Таа за Бизнис инсајдер вели дека претприемачите треба долгорочно да го планираат својот бизнис.
„Ако имате недоумици дали сте способни да го подигнете своето дете, тоест дали имате идеја за бизнис за неколку години, тогаш сте во невоља“ - вели таа.
Зак додава дека секој треба да се праша себе си дали на таа позиција може да работи до крајот на животот и дали ќе биде среќен.
Нејзината компанија „ThirdLove“ продава градници и нуди производи кои ги нема во другите продавници. Таа добила преку 13 милиони долари инвестиции.
Зак објаснува дека на почеток секој бизнисмен ќе работи од 80 до 100 часа неделно.
Раскажува дека мора да се жртвува времето кои би го поминале со блиските, пријателите, или во некои други активности. Но, дури и кога компанијата ќе се развие, таа бара ангажман и време.
Зак вели дека на секого му се случува да дојде во период кога не знае дали бизнисот воопшто ќе успее.