Јат ервејз ќе изнајми четири авиони Боинг 737

Добивај вести на Viber

Српската авиокомпанија Јат ервејз наместо четири авиони од европскиот производител Ербас, најверојатно ќе изнајми четири „боинга 737“ од новата генерација, пренесуваат српските медиуми. Како што пишува српскиот весник Блиц, на состаноот на владината работна група за иднината на Јат, било заклучено дека е задоцнето со изнајмување на авоини на Ербас и дека се многу мали шансите дека до 1 јуни, како што е предвидено да се воведат во сообраќај. „Изнајмување на два АТР не е спорно и тие остануваат во планот за набавка. Меѓутоа за изнајмување на авиони од Ербас, сега е предоцна“ изјавил соговорникот на Блиц од Владата на Србија. Според него, ако авионите на Ербас биле изнајмени во септемврим тогаш е можно на почетокот на сезоната да бидат вклучени во сообраќај. „Тоа сега не е возможно и затоа размислуваме да изнајмиме Боинг авиони за кои и нашите пилоти се обучени да летаат и имаат искуство. Нив не е потребно да ги воведеме во сообраќај, бидејќи веќе ги користиме“ изјавил соговорникот. Според планот на српската Влада, Јат ервејз за 2013 година има предвидено да изнајми два авиони АТР 72-500 и цетри Ербаси А-319 и А-320 Јат ервејз во својата флота има 10 авиони Боинг 737-300 и четри авиони АТР 72-200, а просечната старост на авионите е околу 30 години.