Јавни набавки: Една цена во тендерот, друга во договорот!?
Објавено во: Македонија 21 Септември, 2017
Недоследности при спроведувањето на јавните набавки во Фондот за пензиско констатирал - Државниот завод за ревизија... Минатата година, Фондот за пензиско склучил договори за угостителски услуги во вредност од 29 илјади евра без да се спроведат соодветни постапки, за што ревизорите забележуваат дека не е во согласност со закон.
„Нецелосното уредување на начинот, намената и износот за користење на репрезентацијата предвидена со финансискиот план како тековни расходи може да влијае на рационално и ефикасно искористување на средствата“, наведуваат ревизорите.
Понатаму, ревизијата констатирала дека кај постапките за јавни набавки за кои на електронска аукција е остварено намалување на цените, сепак била воспоставена пракса, подоцна договорот да биде склучен со најповолниот понудувач, но не со намалената цената постигната на електронската аукција, туку со првичната повисока цена.
„Склучен е договор за набавка на електрична енергија во износ поголем од постигнатата цена на електронската аукција, односно вредноста на договорот е во висина на проценетата вредност утврдена со Одлука за јавна набавка. Во текот на ревизијата склучен е анекс на договор согласно постигнатата цена на електронската аукција“, пишуваат ревиозорите...Додека траела ревизијата – институцијата превземала мерки за надминување на состојбите при набавките за годинава...
Кај дел од тендерите пак ревизорите отвораат и дилема за дискриминаторски елементи, но со постапка за јавна набавка од годинава надминатата е констатираната состојба..
Фондот за пензиско, писмено го известил Државниот завод за ревизија дека поради нецелосна кадровска екипираност на одделението за јавни набавки, дел од забелешките на ревизорите се отстранети во текот на ревизијата а останатите дополнително ќе бидат надминати.