Јовановски и Дамовски се жалат за притворот
Објавено во: Македонија 06 Декември, 2017
Водачите на движењето „За заедничка Македонија“, актерот Владо Јовановски и режисерот Борис Дамовски поднеле жалба до Апелација поради одредување на мерката притвор.
Освен овие двајца осомничени, жалби поднеле и началникот во МВР, Митко Пешов, како и другите двајца кои од домашен притвор завршија во притворското одделение во Шутка.
Притворените се товарат за терористичко загрозување на уставниот поредок, односно за настаните од 27 април во Собранието.
Во истражниот затвор Шутка од вчера има 25 притворени за терористичко загрозување на уставниот поредок. Меѓу нив се и тројцата пратеници Сашо Василевски, Крсто Мукоски и Љубен Арнаудов.