ЈСП објави оглас за изградба и доградба на објекти на Милениумскиот крст

Добивај вести на Viber

Јавното сообраќајно претпријатие „Скопје“ распиша јавен оглас за архитектонски услуги за изградба, надградба и доградба на објекти на Милениумскиот крст на Водно. Според информациите од Бирото за јавни набавки огласот е наменет за изработка на проектна програма за довршување на објектот Милениумски крст. Проектот опфаќа хортикултурно уредување, приклучок за вода , изградба на тоалети и се што е потребно за да се создадат услови за изградба на долгонајавуваниот ресторан на Милениумскиот крст. По завршувањето на огласот и кога теренот ќе се оспособи, ќе следи тендер за избор на инвеститор за изградба на ресторанот, изјави Мишо Николов, директор на ЈСП „Скопје“ Огласот трае до 26 овој месец за кога е закажано и јавното отворање на понудите. Луксузниот хотел на Милениумскиот крст се најавува веќе четери години. Карабината за ресторанот изградена уште во 2002 година од Фондацијата Милениумски крст кои преку тендер избраа фирма која инвестираше во застаклувањето,пред околу четери години е комплетно застаклена. Досега стои застарен и неупотреблив, бидејќи тогаш не се јавуваше ниту една компанија за стопанисување, поради проблемот со превозот водоводните приклучоци. Со изградбата на жичарницата се реши превозот, а со огласот на ЈСП Скопје се очекува да се реши и последната пречка, водоводната мрежа. Во моментов на просторот на Милениумскиот крст, работи импровизираниот ресторан.