Јуанот дојде до шестгодишно дно во однос на доларот
Објавено во: Економија 24 Октомври, 2016
Просечниот девизен курс на јуанот во однос на американскиот долар го достигна шестгодишен минимум во однос на доларот, откако централната банка на Кина го намали за уште 0,2%.
Народна банка на Кина денеска го утврди просечниот девизен курс на јуанот кон доларот на ниво 6,7690, што е со 132 поени повисоко за разлика од петокот кога беше 6,7558.
Официјалниот претставник на Државниот завод за статистика на Кина, минатата недела рече дека неодамнешната девалвација на јуанот се должи на надворешните фактори и нема причини за долгорочно поевтинување на кинеската валута.
Во август 2015 година Народната банка на Кина нагло го ослабе јуанот кон доларот (одеднаш со 3% - од 6,20 до 6,40), и тоа ги потресе светските берзи. Подоцна кинеската централна банка се насочи кон стабилизирање на јуанот. Потоа имаше три бранови на слабеење на кинеската валута: во зимата 2015/2016 (до 6,55), во јули 2016 година (до 6,67), а третото започна во октомври.
По првиот бран експертите тврдеа дека банката намерно го девалвира јуанот, за да се стимулира извозот, што беше негирано од властите.