Ќе се замрзнат платите на европските службеници во Брисел
Објавено во: Свет 08 Февруари, 2013
Како што јавуваат западните медиуми, во Брисел е постигната првична согласност да бидат замрзнати платите на вработените во структури на Европската унија во следните две години.
Со договорот се предвидува и намалување за пет отсто на бројот на вработени во оддели на ЕУ. Целта на овие мерки е намалување на проектираниот буџетот.
Во структури на управување во ЕУ во моментот работат 42.000 луѓе. Според холандскиот министер за надворешни работи Франс Тимерманс, на секои 3.000 еврослужбеници, еден добива плата повисока од премиерот на државата.