Како АД Струмичко поле со преполовени приходи има двојно поголема добивка?

Добивај вести на Viber

Компанијата Струмичко поле АД с.Василево во период кога повеќе брендови од винарската индустрија бележат намалени добивки покажува дека може да се оствари двојно поголема добивка споредено на годишно ниво и тоа со двојно намалени приходи во истиот период. 

Струмичко поле во првото полугодие од 2017 има двојно помали приходи во однос на истиот период лани. Така за шест месеци Струмичко поле оствариле вкупни приходи од 607 илјади евра, додека пак годината претходно имале речиси двојно поголема продажба како на домашниот, така и на странскиот пазар со приходи од 933 илјади евра. Струмичко поле за периодот јануари-јуни годинава најголем пад на приходите има од странскиот пазар каде продале производи во вредност од 355 илјади евра или за 35% помалку од лани.

Намалените оперативни активности на Струмичко поле значат и помали расходи и тие изнесуваат вкупно 556 илјади евра. Значително помала сума во однос на годината претходно во ова полугодие се потрошени на суровини или околу 218 илјади евра. Во овој период нема промени кај трошоците за вработените па претпоставуваме и дека нема отпуштања, напротив со 288 илјади евра дури и се зголемени за нијанса ако се спореди со ланското прво полугодие.

Интересно е што Струмичко поле нема никакви финансиски расходи, па така нема долгови за камати и слични трошоци. Вкупната добивка на Струмичко поле во првите шест месеци од годинава изнесува 142 илјади евра што е добар резултат ако се спореди со 67 илјади евра профит остварени во ланското прво полугодие.

Струмичко поле котира на Македонска берза со 239.253 издадени акции чија книговодствена вредност е околу 1600 денари, но немаат доделено дивиденда во последните три години. Струмичко поле се занимава со производство на градинарски и земјоделски култури како жито, а полни и вино од сортите ризлинг, вранец, хамбург и смедеревка.