Како ќе изгледа светската економија до 2050 година?
Објавено во: Економија 08 Февруари, 2017
Пренасочувањето на економската сила од развиените кон земјите во развој ќе продолжи и до 2050 година
Развиените земји продолжуваат да го зголемуваат својот удел во светскиот бруто домашен производ (БДП) на долг рок.
Тоа е едно од клучните откритија во последниот извештај на економистите од PwC „Светот во 2050". Според извештајот БДП на 32 од најголемите економии во светот, кои формираат околу 85% од глобалната економија, ќе продолжи да расте и понатаму.
Извештајот покажува дека светската економија ќе расте до 2042 година, со средна годишна стапка од околу 2,5% меѓу 2016 и 2050 година. Мотор на овој раст во голема мера ќе бидат новите пазари и земји, како економиите на Бразил, Кина, Индија, Индонезија, Мексико, Русија и Турција.
За споредба, во земјите од Г7 - Канада, Франција, Германија, Италија, Јапонија, Велика Британија и САД, просечната стапка на раст ќе биде само околу 1,6%.
Според извештајот Кина ќе стане најголема економија во светот до 2030 година, а Индија ќе биде на второ место во светот до 2050 година. Од лидер во рангирањето, САД ќе паднат до третата позиција до средината на векот.
Центарот на вниманието сепак сигурно ќе биде врз новите пазари во развој. До 2050 година прогнозите се Индонезија и Мексико да станат економски поголеми од Јапонија, Германија, Велика Британија или Франција, а Турција ќе ја надмине Италија. Од гледна точка на растот Виетнам, Индија и Бангладеш може да се покажат како најбрзо растечките економии во периодот до 2050 година со просечен годишен раст од околу 5% годишно.