29 Март, 2024
0.0260

Како работи државната фирма што ги има македонските аеродроми?

Објавено во: Економија 14 Септември, 2017

Добивај вести на Viber

Сите приходи од продажба т.е. закуп и рента што ги имала лани стигаат за плати само за 4 месеци на вработените во АД „Аеродроми на Македонија“. Од камати фирмата лани имала приход од околу 150.000 евра и тие е 3 пати поголеми од приходите од продажба

АД „Аеродроми на Македонија“ остварила неполни 50.000 евра приходи од рента на деловен простор и од наем на системите за сигнализација на аеродромските писти, а инкасирала околу 150.000 евра од камати на орочени средства и државни записи, покажуваат финансиските извештаи на независната ревизија за 2016 година. Лани оваа државна компанија, чиј основен бизнис е да издава најголем дел од својот имот и средства на турската компанија ТАВ, годината ја завршила со загуба од работењето која надминува 2 милиони евра и тоа во најголема мерка заради амортацијата на нејзините материјални и нематеријални средства.

Трошокот за вработени е речиси три пати поголем од приходот од продажба!

Иако не паѓа во очи сепак многу е важно да се истакне дека сите приходи што компанијата „Аеродроми на Македонија“ ги има од издавање на деловен простор и системот за сигнализација ни од далеку не е доволен само да ги покрие платите на вработените во таа фирма. Без коменар ќе ги споредиме бројките: вкупните приходи од продажба изнесуваат 2,9 милиони денари ( при што 2,48 милиони денари се од закуп на деловен простор, а 0,4 милиони денари се од рента на системот за сигнализација на ародромските писти). На другата страна трошокот само за вработените е 8,76 милиони денари, а за другите две клучни ставки од оперативно работење: услуги со карактер на материјални трошоци и останати трошоци фирмата троши уште 5,2 милиони денари во минатата година.

Во билансот на успех на приходната страна компанијата книжи приходи од камати во износ од 13,74 милиони денари и тоа во суштина го покрива минусот од оперативното работење на компанијата.

Главен генератор на загубата за лани исто како и за 2015 година е амортизацијата на материјални и нематеријални средства која изнесува над 260 милиони денари за двете години односно 4,22 милиони евра. Од билансот на состојба евидентно е дека оваа државна компанија има вкупна загуба од 14,6 милиони евра.

Важно е за се истакне и тоа дека независната ревизија изразила мислење со резерва заради тоа што извештаите за 2014 и за 2015 година не биле ревидирани и заради тоа тие не можат да утврдат дали се потребни корекции во однос на искажаната загуба во билансот на успех и во нето паричните средства од оперативни активности.

Целиот извештај на ревизорите можете да го најдете на сајтот на Македонската берза на следниот линк http://www.mse.mk/mk/announcement/7/9/2017/aerodromi-na-makedonija-ad-skopje/financial-data-and-dividends

Во меѓувреме компанијата доби нови органи на управување, а новите членови на управниот одбор се: Виктор Петрушевски претседател, Мирјана Ќорвезироска – Димоска и Лидија Чоклевска.  


Можеби ќе ве интересира

ПРОДАЖБАТА НА ВИНО ДОНЕСЕ ПРИХОДИ ОД 950 ИЛЈАДИ ЕВРА, НО ОВА НЕ БЕА ЛЕСНИ ДЕНОВИ ЗА „ПОПОВА КУЛА“ - скапа струја и шишиња, недостиг од работници...

ПРОДАЖБАТА НА ВИНО ДОНЕСЕ ПРИХОДИ ОД 950 ИЛЈАДИ ЕВРА, НО ОВА НЕ БЕА ЛЕСНИ ДЕНОВИ ЗА „ПОПОВА КУЛА“ - скапа струја и шишиња, недостиг од работници...

КИНЕЗИТЕ ДОБИВААТ УШТЕ ДВЕ ГОДИНИ РОК ЗА ИЗГРАДБА НА АВТОПАТОТ КОН ОХРИД: измените на законот пред пратениците, кој ќе го гласа?

КИНЕЗИТЕ ДОБИВААТ УШТЕ ДВЕ ГОДИНИ РОК ЗА ИЗГРАДБА НА АВТОПАТОТ КОН ОХРИД: измените на законот пред пратениците, кој ќе го гласа?

Во што „Стопанска банка Скопје“ вложи 40 милиони евра? Се спрема кредитна офанзива!

Во што „Стопанска банка Скопје“ вложи 40 милиони евра? Се спрема кредитна офанзива!

БРИТАНЦИТЕ ПЛАТИЛЕ ОДЛИЧНО ЗА НИВНИТЕ СВЕЧЕНИ ОДЕЖДИ, АМА „ЕДИНСТВО“ СЕПАК ОТИДЕ ВО МИНУС - еве што е маката на струмичкото претпријатие

БРИТАНЦИТЕ ПЛАТИЛЕ ОДЛИЧНО ЗА НИВНИТЕ СВЕЧЕНИ ОДЕЖДИ, АМА „ЕДИНСТВО“ СЕПАК ОТИДЕ ВО МИНУС - еве што е маката на струмичкото претпријатие

Фокус во Кина: Европските претпријатија гледаат на можностите за инвестирање во кинескиот Хубеи

Фокус во Кина: Европските претпријатија гледаат на можностите за инвестирање во кинескиот Хубеи

ДУИ со експанзија во угостителството

ДУИ со експанзија во угостителството

ЗА ЕДНО ЕВРО РУЧЕК И ПРЕВОЗ: Oва е најевтината земја за живеење

ЗА ЕДНО ЕВРО РУЧЕК И ПРЕВОЗ: Oва е најевтината земја за живеење

МИЗО ПОТВРДИ ДЕКА ЗА ОВА РАЗГОВАРАЛЕ СО МИНИСТЕРСТВОТО ЗА ФИНАНСИИ: Македонија треба да се адаптира на глобалниот минимален данок на добивка од 15 oтсто

МИЗО ПОТВРДИ ДЕКА ЗА ОВА РАЗГОВАРАЛЕ СО МИНИСТЕРСТВОТО ЗА ФИНАНСИИ: Македонија треба да се адаптира на глобалниот минимален данок на добивка од 15 oтсто

ПЧЕНИЦАТА ПОЕВТИНИ: Цената на златото и нафтата скокнаа

ПЧЕНИЦАТА ПОЕВТИНИ: Цената на златото и нафтата скокнаа