Како Словенија ќе се брани од мигрантите?
Објавено во: Балкан 22 Октомври, 2016
Словенечките власти почнаа да поставуваат огромни метални куќишта околу најголемиот граничен премин со Хрватска, Брегана -Обрежје.
Истите капацитети се креваат и на другиот граничен премин Грушковие, објавија од словенечкото Министерство за внатрешни работи.
„Ако дојде до нов миграциски бран тогаш ќе го затвориме граничниот премин"- предупреди државниот секретар во словенечкото Министерство за внатрешни работи, Андреј Шпенга.
Тој вели дека ќе направат сè што е потребно мигрантите да не ја загрозат безбедноста на словенечките граѓани.
"Ставањето на металните огради околу два гранични премини со Хрватска е дел од планот за создавање на технички пречки. Досега Словенија поставила технички пречки во текот на 183 километри по границата со Хрватска со цел запирање на мигрантите"- рече уште Андреј Шпенга.
Слични мерки преземаат и други балкански земји.