20 Февруари, 2018
0.4659
    ALK 7801.99    -1.64%     BESK 10275    -3%     GRNT 810    -0.06%     KMB 3389.73    -0.22%     MERM 800    -20%     MPT 29500.63    0%     OKTA 3620    0.56%     RMDEN16 94.9    0.11%     RZUS 139    3.73%     SBT 2041    -2.86%     STB 940.85    0.03%     STIL 139.03    -4.1%     TETE 2286.67    2.27%     TKVS 3110    2.98%     TNB 13581.59    -0.42%     TPLF 1649.9    1.35%     TTK 947    -2.97%     UNI 2050    0%

Како Владата ќе ја оцени „петката“ на Нимиц?

Објавено во: Анализа 19 Јануари, 2018

Медијаторот Метју Нимиц според повеќе извори дал вкупно пет предлози во новата рамка посочена за време на последните преговори за спорот за името во Њујорк под посредништво на Обединетите нации меѓу Македонија и Грција. 

Во рамката на Нимиц се вклучени предлози кои и досега биле поставени пред двете страни и нема нешто ново и иновативно што би можело драстично да го смени текот на преговори. Така се верува дека Нимиц ги предложил Северна, Горна, Нова, Вардарска и Република Македонија(Скопје) како можни нови имиња на Македонија. Придавките би биле напишани на кирилично писмо и македонски јазик, како и нивна латинична транскрипција.

Во однос на идентитетските одредници што се и најголема грижа на граѓаните, според предвидената рамка за продолжување на преговорите за спорот за името би се формулирале како официјален јазик на Република Македонија заедно со предложената придавка на почетокот на името, или пак македонски и makedonski.

Според оваа рамка на медијаторот ако биде прифатено решение, тогаш предлогот за името би се користел како што бара грчката страна „ерга омнес“ односно за целосна употреба, како внатрешна во Македонија, така и во сите меѓународни односи и во официјалните записи на меѓународните организации како Обединети нации, НАТО, ЕУ и останатите. 

Засега единствено коментар за оваа рамка на Нимиц даде преговарачот Васко Наумовски кој рече дека не дава оптимизам за достоинствено решение на спорот за името и се чини дека го надмина својот мандат бидејќи тој нема овластувања да дава оценки, туку тоа треба да го направи Владата на Република Македонија.

Министерот за надворешни Никола Димотров не сакаше да даве брзоплети коментари, ниту пак тоа го стори вицепремиерот за евроинтеграции Бујар Османи. Предложената рамка во нејзиниот целосен состав ќе биде доставена до Владата на РМ која од понеделник ќе ја разгледува и оценува, па потоа откако ќе се формира заеднички став ќе се соопштат следните чекори во преговорите за името.

Процесот дополнително се комплицира со заострување на состојбите на грчката политичка сцена каде десничарските и националистичките партии се погласно говорат против решение за спорот за името што ги нарушува позитивните пораки кои ги испрати премиерот Ципрас, а непотребно се вмеша и грчката православна црква која долеа масло на огнот во грчкото општество кое е секогаш негативно расположено против Република Македонија каде и натаму се шири говор на омраза и омаложувачки изјави против македонската држава и народ.

Што се однесува до македонската страна веќе сме предлабоко навлезени во овој процес што се гледа од силните заложби на премиерот Заев за подобрување на односите со Грција преку враќање на довербата и добрососедските принципи, а голем е и ангажманот на македонската дипломатија што доживеа своја кулуминација со посетата на генералниот секретар на НАТО Јенс Столтенберг кој испрати многу охрабрувачки пораки.

Автор: Христијан Станоевиќ

Можеби ќе ве интересира

Дали е време Лилјана Поповска да се повлече од политиката?

Дали е време Лилјана Поповска да се повлече од политиката?

Манифести, меморандуми, апели - Кој би ги прекинал преговорите за името?

Манифести, меморандуми, апели - Кој би ги прекинал преговорите за името?

Дали фан клубот му направи услуга на Заев и ПР тимот на Владата?

Дали фан клубот му направи услуга на Заев и ПР тимот на Владата?

Кој го искривува Советот за реформи на правосудството на Заев?

Кој го искривува Советот за реформи на правосудството на Заев?

Грција цели кон Горна Македонија без превод, каде се нашите позиции?

Грција цели кон Горна Македонија без превод, каде се нашите позиции?