КАКВИ ПОСЛЕДИЦИ ЌЕ ИМА: Геомагнетна бура ќе ја зафати Земјата

Добивај вести на Viber

Земјиното магнетно поле утре ќе го погоди геомагнетна бура од најслаба јачина. 

Вообичаено таа трае еден или два дена.

Oва го соопштија од американскиот Центар за предвидување временски состојби во вселената и Агенцијата за проучување океани и атмосфера (НОАА).

Геомагнетната бура е привремено нарушување на Земјината магнетосфера и е предизвикана од активностите на Сонцето. Ова е феномен кој може да влијае на електромрежите и сателитите.

Оваа геомагнетна бура е класифицирана на скалата од еден до пет како Г-1, што значи дека ќе биде со најслаба јачина.

Но, таа може да предизвика „слаби осцилации на мрежните станици и мало влијание на сателитските функции, како и на животните кои мигрираат“.

Бурата од категорија Г-5, на пример, може да влијае на електричната енергија и безбедносните системи во целиот свет, така што може да дојде до целосно нарушување на системот на компјутерски мрежи и големо оштетување на електричните трансформатори.

Научниците се изненадени од големата зачестеност на сончеви ерупции и геомагнетни бури. Според нив, ако порано биле забележани по неколку силни бури во текот на цела деценија, во последно време  тие се јавуваат многу почесто.