Какво време се очекува во наредните пет дена?
Објавено во: Македонија 24 Октомври, 2017
Во Македонија денеска ќе биде облачно и нестабилно со слаби врнежи од дожд, ветровито и свежо време. На планините над 1600 метри врнежите ќе бидат од снег. Попладне врнежите ќе престанат но ќе преовладува претежно облачно и свежо време. Во југоисточените предели умерено облачно време со повремени сончеви периоди во текот на целиот ден. Ќе дува доумерен засилен северозападен и североисточен ветер. Утринските температури од 1 до 10 степени, додека пак максималните дневни температури ќе се движат од 5 до 16 степени.
Во земјава во среда ќе биде умерено облачно време со повремени сончеви периоди, ветровито и малку потопло време. Утринските температури од 3 до 12 степени, додека пак максималните дневни од 7 до 19 степени. Во четврток и петок по студеното утро со утрински температури од -1 до 8 степени, во текот на денот ќе биде претежно сончево време со појава на локална обалчност и потопло време со дневни температури кои што ќе се движат од 10 до 22, односно од 13 до 25 степени. Во сабота умерено облачно време со повремени сончеви периоди и посвежо време со пад на дневните температури кои што ќе се движат во интервал од 8 до 20 степени.