Канческа-Милевска нема да оди во притвор, но останува без пасош
Објавено во: Македонија 25 Јули, 2017
Апелацискиот суд Скопје одлучи да го потврди решението на Кривичниот совет при Основниот суд Скопје 1 за екс министерка за култура, Елизабета Канческа-Милевска.
За неа мерката притвор е одбиена, а се определени мерки на претпазливост. Второстепениот суд одлучи да ги одбие жалбите на СЈО и за обвинетите, меѓу кои и поранешната министерка за култура, Елизабета-Канческа Милевска, и уште две лица во случајот „Тендери“.
Во случајот „Тендери“ првообвинета е поранешната министерка за култура, Елизабета Канческа – Милевска за која СЈО на вчерашната расправа побара притвор, а таа пак побара да ѝ биде вратен пасошот. Таа беше изненадена од фактот дека СЈО за неа бара притвор.