23 Јануари, 2018
0.6713

Каракамишевa: Дали Македонците конечно ќе се освестат што се прави во нивната држава?

Објавено во: Македонија 12 Јануари, 2018

Универзитетската професорка, Тања Каракамишева на својот Фејсбук профил се осврна на Законот за употреба на јазиците кој беше усвоен вчера во Собранието. 

Таа смета дека претседателот, Ѓорѓе Иванов ќе го блокира законот, но затоа што е најавено негово повторно гласање доколку Иванов стави вето, според неа потребни се протести, а не само критикување од дома на Фејсбук и Твитер.

Гледам голема прашина крена вчерашното изгласување на Законот за јазиците, читај: Законот за албанскиот јазик. Иако устата пена ми фати од зборење за последиците од неговото носење во државата, дека истиот е неуставен и неевропски, еве уште сум тука и уште зборувам, но сега и јавно прашувам: Што ќе преземат Македонците откако претседателот Иванов се поизвесно е дека нема да го потпише указот за негово прогласување и откако истата содржина на закон ќе биде вратена пред пратениците на повторно гласање? Согласно Уставот, ако претседателот Иванов не го потпише указот законот се враќа во Собрание. Ако пратениците повторно го изгласаат законот во истава содржина Иванов е должен да го потпише указот. Ова значи дека мајката му е во овој меѓупериод да се организира конкретен тип на граѓанско незадоволство. Прашањето е дали во овој последен вагон од возот разочараните по Фејсбук и Твитер Македонци независно од нивната партиска припадност ќе изразат конкретно незадоволство со кое ќе можат да го спречат неговото повторно изгласување, како што најави Артан Груби со вчерашните изјави, или пак ќе спиеме на ушите? Дали и натаму ќе кукаме по Фејсбук, Твитер, и слично колку е ова не фер и не коректно или Македонците конечно ќе се освестат што се прави во нивната држава“ - прашува професорката. 


На крајот од постот таа прашува дали ќе дозволиме уште едно гласање на овој ист закон во Собранието.

Денеска бројни реакции имаше за овој закон. 

Група на еминентни професори меѓу акад. проф. д-р Катица Ќулавкова, проф. д-р Гордана Силјановска Давкова, проф. д-р Симона Груевска-Маџоска, со отворено писмо до претседателот Иванов бараат тој да стави вето на новиот предлог закон за употреба на јазиците на граѓаните над 20% бидејќи сметаат дека е неуставен и дека ќе донесе многу лоши последици врз Македонија.

Можеби ќе ве интересира

Видео: Жестока дебата на Шарените револуционери кои сега бранат различни бои

Видео: Жестока дебата на Шарените револуционери кои сега бранат различни бои

Грците се пребројуваат пред средбата на Ципрас и Заев

Грците се пребројуваат пред средбата на Ципрас и Заев

ИНТЕРВЈУ ПРИНЦ: Парите не се доволни за основни трошоци

ИНТЕРВЈУ ПРИНЦ: Парите не се доволни за основни трошоци

Кои потреби на студентите ќе ги субвенционира државата?

Кои потреби на студентите ќе ги субвенционира државата?

Пресврт во Чаир, советничка на БЕСА стана претседател на општинскиот Совет

Пресврт во Чаир, советничка на БЕСА стана претседател на општинскиот Совет

Михајловски: Власта нема сериозни реформи, ВМРО-ДПМНЕ мора да биде модерна и европска алтернатива

Михајловски: Власта нема сериозни реформи, ВМРО-ДПМНЕ мора да биде модерна и европска алтернатива

Студен бран ќе ја зафати Македонија

Студен бран ќе ја зафати Македонија

Агатангел за грчките свештеници: До Евзони ли се простира нивната љубов и трпение?

Агатангел за грчките свештеници: До Евзони ли се простира нивната љубов и трпение?

Ангелов: За нас решението е приоритет 26 години, но треба да бидеме претпазливи

Ангелов: За нас решението е приоритет 26 години, но треба да бидеме претпазливи