КАТАЛОНИЈА НЕ СЕ ОТКАЖУВА: Бараат од Мадрид да дозволи одржување на референдум
Објавено во: Свет 25 Септември, 2017
Лидерот на Баскија, Иниго Уркулу го повика Мадрид да го дозволи одржувањето на референдумот во Каталонија како што тоа беше направено во Шкотска и Квебек.
Коментарот на Уркулу е објавен во време кога лидерите на другиот шпански регион Каталонија планираат на 1 октомври да одржат референдум за независност кој Мадрид го прогласи за неуставен.
„Во очите на светот шпанските власти се дел од проблемот, а не од решението“- истакна Уркулу.
Судиите и обвинителството ги казнија и им одредија притвор на кличните членови на тимот задолжен за организација на референдумот и се заканија со кривични пријави против одговорните за организацијата на минатонеделните протести.
Шпанската полиција заплени речиси десет милиони гласачки ливчиња и останати предмети наменети за референдумот.
Илјадници приврзаници на независноста на Каталонија вчера се собраа на плоштадите во Барселона и во други каталонски градови во поддршка на референдумот планиран за 1 октомври.
Пред насобраните во Барселона, претседателката на регионалниот парламент на Каталонија, Карме Форкадел ги повика демонстрантите да излезат на референдумот и да гласаат за независност на Каталонија.