Каталонија независна - ќе се повтори ли Југославија?
Објавено во: Свет 27 Октомври, 2017
Каталонскиот регионален парламент гласаше за прогласување независност од Шпанија, додека шпанската влада се чини дека наметна директна власт во покраината, јави Би-би-си.
Овој потег е поддржан со 70-10 гласа, додека пратениците од опозицијата го бојкотираа гласањето.
Шпанскиот премиер, Маријано Рахој претходно на сенаторите им кажа дека е потребно директно владеење за да се вратат „законот, демократијата и стабилноста“ во Каталонија.
Кризата започна кога Каталонците на 1 октомври изгласаа независност на референдум.
Каталонската влада соопшти дека од 43% што учествувале на референдумот, 90% гласале за независност. Сепак, шпанскиот Уставен суд пресуди дека гласањето е противзаконско.
Сенатот во Шпанија допрва треба да гласа за тоа дали првпат да го активира членот 155 од шпанскиот устав, кој ја овластува владата да ги преземе „сите мерки неопходни за да го потчини“ регионот во случај на криза. Со тоа Мадрид ја преземе контролата врз финансиите, полицијата и јавните медиуми во регионот.
Читајте уште