21 Август, 2017
0.2981

КАТАСТРОФАЛНА ГОДИНА ЗА ПЧЕЛАРИТЕ: Ќе биде ли медот скапо задоволство?

Објавено во: Агробизнис 08 Август, 2017

Поради неповолните временски услови оваа година е катастрофална за пчеларите, а количините на мед по кошница ќе бидат многу мали.

Но, дали тоа ќе влијае на цената на медот? Нацо Јовчевски кој веќе 12 години се занимава со пчеларство и има 180 кошници со пчели на три локации под Пелистер, вели дека оваа состојба економски ќе ги погоди луѓето кои имаат пчели, но според него тоа нема да ја промени цената на медот. Објаснува дека поскапување на медот најверојатно нема да има, затоа што иако домашен мед ќе има малку, сепак на пазарот ќе доминира увезен мед.

„Ова ќе ги погоди пчеларите, ќе биде  тешко. За оние на кои им е основна дејност и треба од тоа да извадат плата, секако дека ќе има проблеми, а такви се 10% од пчеларите во битолско. Јас по кошница имам  во просек по  5-6-7 килограми мед, но има други пчелари кои се послаби од мене, со помалку мед. Има и такви кои нема ништо да извадат. И минатата година беше многу лоша. Од она што го знам од колеги во беровско, кичевско, ресенско, приносите се слаби“ – вели Јовчевски.

Тој објаснува дека оваа година проблем е тоа што на пролет имаше денови со доста ниски температури, а потоа имаше и денови каде нагло дојде до покачување на температурите.

„За да биде годината добра релативната влажност и температурите треба да бидат усогласени“ – додава Јовчевски.

Тој објаснува дека оваа година шумски  мед во земјава скоро и да нема, а ливадскиот ќе биде во многу мали количини.

Состојбата е иста и на истокот и на западот од земјата. Реколтата е слаба. Август е месец кога се сумираат резултатите за годината која изминала. Пчеларите деновиве побараа да се исплаќаат редовно субвенции затоа што се помалку луѓе се одлучуваат за пчеларство, односно да се помагаат со 600 денари за презимено пчелно семејство. 

Сања Атанасовска

Можеби ќе ве интересира

Потпишан договорот за проектот за Реонизација на земјоделското производство

Потпишан договорот за проектот за Реонизација на земјоделското производство

Исплатени над 5,7 милиони евра субвенции за земјоделците

Исплатени над 5,7 милиони евра субвенции за земјоделците

Економисти направиле одличен бизнис, извезуваат во странство

Економисти направиле одличен бизнис, извезуваат во странство

МЗШВ даде согласност за враќање на делумна забрана за движење во шуми, целосната забрана останува само за Македонски Брод и Чашка

МЗШВ даде согласност за враќање на делумна забрана за движење во шуми, целосната забрана останува само за Македонски Брод и Чашка

Николовски најави дека месецов сите земјоделци ќе ги добијат субвенциите

Николовски најави дека месецов сите земјоделци ќе ги добијат субвенциите

Овие мерки се преземени од МЗШВ за справување со пожарите

Овие мерки се преземени од МЗШВ за справување со пожарите