КАТИМЕРИНИ ЗА ПОСЕТАТА НА КОЅИАС: Преговорите се очекува да започнат по октомври
Објавено во: Македонија, Балкан 01 Септември, 2017
Грчкиот министер за надворешни работи, Никос Коѕиас и неговиот македонски колега Никола Димитров изјавија за време на заедничката прес-конференција дека поставуваат темели на процесот, кој ќе овозможат преговори за решавање на спорот за името на малата балканска држава, пишува грчкиот весник Катимерини.
И Атина и Скопје даваат сигнал дека имаат намера да ги подобрат меѓусебните односи и владата на премиерот Зоран Заев изјави дека сака да земјата да биде присоединета кон ЕУ и НАТО, пишува весникот. Коѕиас ја потврди поддршката кон земјите од Западен Балкан за ЕУ и НАТО, но инсистираше на тоа дека тоа ќе се случи под услов иридентистичката реторика да биде исфрлени, а прашањето со името да биде решено.
Ништо повеќе не е очекувано од еднодневната посета на Коѕиас во Скопје, но преговорите се очекува да започнат по октомври, кога во Македонија ќе се одржат локални избори. Сепак, со оглед на неизвесноста во регионот и растот на иредентистичката реторика, аналитичарите веруваат дека разговорите ќе се забрзаат во 2018 година. Двајцата министри рекоа дека сакаат да работат за добри односи и регионална соработка.