19 Јануари, 2018
0.4987
    ALK 7650    0.02%     BESK 9991    -3%     GRNT 824.02    0.32%     KMB 3152.12    0.17%     MTUR 4250    1.19%     OHB 5200    4%     OKTA 3111    -8.96%     RMDEN16 94.4    0%     RZUS 113    9.51%     SLAV 6100    95.89%     STB 960    1.65%     STIL 151.56    0.58%     TIKV 153    -2.55%     TKVS 3202    1.72%     TNB 13228.04    0.22%     TTK 951.17    1.04%     UNI 2000    0.03%     ZPKO 2710    4.23%

КАВАДАРЧАНИ САДАТ ЛАВАНДА: Со колку садници и колку пари може да се стартува овој бизнис?

Објавено во: Агробизнис 09 Јуни, 2017

Семејството на Цветанка Колева од Кавадарци се одлучило да си ја проба среќата со одгледување на лаванда, култура која е реткост на македонските полиња.

Засега нивниот насад е скромен, но доколку успеат и доколку имаат профит, ќе ги зголемат површините засадени со лаванда. Поседуваат 12 хектари  обработлива површина која се наоѓа во атарот на селото  Горниково, на 13 км јужно од  Кавадарци  и на 720 метри надморска височина.

„Почвата е каменлива и со плиток ораничен слој,  но богата со минерали. Регионот е ариден/сушен и затоа сметавме дека е погоден за одгледување лаванда. Ова е експериментален насад на површина од 1 декар и доколку констатираме дека можеме да одгледуваме лаванда со задоволителен квалитет,  истата ќе ја посадиме на површина од 10 хектари. Досега садниот материјал го произведуваме сами, а најголем проблем засега е заштитата на насадот од плевели, затоа што не сакаме да користиме хербициди кои многу би ја олесниле работата, но органскиот начин на производство не го дозволува тоа. За подигање на 1 хектар со лаванда потребни се околу 7000 садници кои ги нема на пазарот во Македонија или се многу скапи. Сметаме дека за подигање на 1 хектар лаванда потребни се околу 3000 евра“ – вели Колева.

Таа додава дека засега не размислуваат за поврат на инвестицијата, туку им е важно насадите да успеат и да го разубават овој дел од земјата.  Вели производството засега ќе биде мало за да се обезбеди пласман, но понатаму се надеваат на успешна и рентабилна работа.

„За одгледување лаванда најпрво потребно е да се има соодветна почва, надморска висина и местоположба којашто одговара за оваа култура. Исто така важно е да се напомене дека лавандата, како и другите лековити и ароматични растенија можат да дадат економски резултат само ако се одгледуваат на површини поголеми од 5 или 10 хектари.Оваа култура не заболува од болести, но треба да се води грижа за борбата против плевелите кои знаат да и направат големи штети, па и угинување на голем број растенија од насадот. Исто така лавандата не трпи влажни почви или почви на кои се задржува влага во крајот на зимата кога се топат снеговите“ – раскажува Колева.

На сите оние кои сакаат да засадат лаванда, било да е тоа хоби или професионално, Колева им препорачува да си направат анализа на своите можности за менаџирање со насадите, затоа што  засадувањето е процес кој се одвива кампањски и во неколку дена, а грижата за насадот и понатамошното одгледување  бара многу знаење, труд, истрајност и љубов.

Сања Атанасовска

Можеби ќе ве интересира

Расте откупната цена на тутунот, се интензивираат инвестициите во тутунската индустрија

Расте откупната цена на тутунот, се интензивираат инвестициите во тутунската индустрија

Дали земјоделците должници ќе можат до државни субвенции?

Дали земјоделците должници ќе можат до државни субвенции?