Ќе стартува примена на софтвер за откуп на земјоделски производи
Објавено во: Агробизнис 16 Јули, 2016
Догодина треба да започне примена на софтверот за откуп на земјоделски производи.
Ова го најави министерот за земјоделство, Михаил Цветков. Според него, решението е готово и дадено им е на увид на сите инволвирани страни за сугестии и предлози.
„Софтверското решение е готово. Ќе го добијат преработувачите, земјоделците и воопшто сите вклучени во процесот. Во наредниот период ќе чекам нивни сугестии. Со софтверското решение предвидено е да имаме целокупна евиденција на сите преработувачи кои се запишани во единствениот регистар на земјоделски производства и на сите земјоделци кои се запишани. Во секој момент ќе имаме информација колку е продадено, по која цена, колку е платено и дали е платено“ - објасни министерот Цветков.
Со ова картонските белешки ќе станат минато со примената на електронската евиденција, со која предвидена е и банкарска гаранција во преработувачката индустрија.
Можеби ќе ве интересира
ДОЖДОТ Е ПОВЕЌЕ ОД ДОБРЕДОЈДЕН: Сепак температурните шокови можат да направат проблеми на земјоделските насади
СТОЧАРИТЕ НУДАТ ПЛАТА ОД 1.000 ЕВРА: Албанија е последната станица за наоѓање овчари
