КХВ на ,Нормак Инвестмент Гроуп,, АД Тетово му даде одобрение да издаде долгорочни хартии од вредност
Објавено во: Економија 12 Февруари, 2018
Комисијата за хартии од вредност на Република Македонија на 131 - вата седница со која претседаваше Претседателот на КХВ М-р Елизабета Чингаровска на ,,Нормак Инвестмент Гроуп,, АД Тетово му даде одобрение да издаде долгорочни хартии од вредност по пат на приватна понуда наменета за познат купувач-единствениот акционер.
Со втората емисија на акции, ,,Нормак Инвестмент Гроуп,, АД Тетово врши зголемување на основната главнина со трансформирање на заем даден од ,,Нормак Инвестмент Гроуп,, АС од Норвешка како влогво друштвото. Имено, ,,Нормак Инвестмент Гроуп АС од Норвешка како единствен и постојан акционер ќе се стекне со 43.494 обични акции во вкупна вредност од 133.733.177 денари.
Зголемувањето на основната главнина е со цел да се создадат услови за непречено вршење на редовното работење на ,,Нормак Инвестмент Гроуп,, АД Тетово .
На седницата што се одржа денеска на 12 февруари, 2018 година, Комисијата за хартии од вредност на Република Македонија обнови две дозволи за работење на брокер.