Кина сака да гради брза пруга на Балканот, ќе биде ли и Македонија дел?

Добивај вести на Viber

Со супер-брз воз ќе се патува од Будимпешта до Солун. Кина е заинтересирана да ја изгради пругата за супербрзи возови на Балканот со која од Будимпешта до Белград би се стигнувало за три часа. Пругата натаму би продолжувала кон Солун. Македонската Влада е информирана за можноста да се гради оваа пруга, но таа се уште е во фаза на планови. „За проектот не информира кинеската делегација при последната посета, но проектот сè уште е во фаза на подготовка и е рано да се каже што ќе содржи“, вели министерот за транспорт и врски Миле Јанакиески. Сегашното модернизирање на пругите од Коридорот 10 се прави за брзина на возовите од 120 километри на час, не за брзина од 160 километри на час. Доколку се прифати учество во проекетот за изградба на брзата пруга од Белград до Солун, тогаш ќе треба одделни делови од пругата во земјава да се изградат одново, а останатите делови само да се прилагодат на планираната брзина од 160 километри на час. Српскиот премиер Александар Вучиќ при неговата посета на Кина договорил реализирање на супер-брзата делница од Белград до Будимпешта, која треба да биде изградена за три години.