Кина во поход, ги заштитува своите патенти!
Објавено во: Свет 10 Јануари, 2013
До крајот на 2012 година Кина имала 435 илјади легитимни патенти (не сметајќи ги оние од Хонгконг, Макао и Тајван), што претставува просек од 3,23 патенти на секои 10.000 Кинези, пренесе Кинеското радио интернасионал (КРИ).
Властите на Кина во 2011 првпат ги ставија патентите во Петгодишната програма за национален економски и општествен развој (2011-2015), а целта е бројот на патенти на 10.000 Кинези до 2015 да достигне 3,3 парчиња.
Државниот завод за заштита на интелектуалната сопственост во 2012 година одобри 1,26 милиони патенти за домашни и странски подносители на барања, што, според податоците на заводот, е за 31,25 отсто повеќе во однос на 2011 година.