Кинезите како „луди“ купуваат земја во Америка
Објавено во: Економија 21 Јули, 2017
Кинеските богаташи имаат нова стратегија за проширување во САД со тоа што масовно купуваат земја, имоти и недвижнини притоа инвестирајќи околу 31,7 милијарди долари.
Според националната асоцијација на агенции за недвижности Кинезите четврта година по ред се најголеми странски инвеститори во САД со тоа што 2016-та била рекордна досега. Омилена сојузна држава во која Кинезите најмногу сакаат да купуваат имоти и недвижнини е Калифорнија.
Меѓу најактивните странски купувачи на имоти во САД се и Канаѓаните кои купуваат во Флорида, а тоа се должи на огромниот раст на цените на становите во градови како Торонто и Монтреал.
САД се смета како земја со најголема стабилност и без оглед на глобалните предизвици и неизвесноста на економскиот раст странците сакаат да купат земја бидејќи гледаат бенефити на подолг рок.