Добивај вести на Viber
И во следните 250 години, Кипар има наоѓалишта на природен гас , соопшти Солон Касинис, директорот на дирекцијата „Енергетика“ во кипарското Министерство за трговија.
Според Касинис, наоѓалиштата на природен гас во Кипар се 60 трилиони кубни фита (еден кубен фит изнесува 0,028316 кубни метри), а само во реонот на „Блокот 12“ се претпоставува дека има меѓу осум и 12 трилиони кубни фита природен гас. Оттука, само од овој блок ќе бидат заработени 86 милијарди евра.
Вкупната вредност на наоѓалиштата во економска зона на Кипар во Средоземното Море изнесува 2,1 трилиони евра, а чистата заработка ќе биде над 800 милијарди евра.Касинис изрази уверување дека во зоната има и наоѓалишта на нафта, поради што треба да се направат ископи длабоки седум метри, за да се открие нејзиното количество.