Ќе добие ли актерот Јовановски поблага мерка наместо притвор?
Објавено во: Македонија 10 Јануари, 2018
Обвинителството побара Апелација да го преиначи решението на Кривичниот суд и на актерот Владо Јовановски, кој е еден од притворените за „крвавиот четврток“, да му се определи поблага мерка.
Ова беше соопштено на денешната јавна седница на Апелација за жалбите на притворените за настаните од 27 април.
Обвинителството засега побара поблага мерка само за актерот Јовановски, додека за обвинетите Оливер Поповски и Горан Ѓошевски е побаран притвор.
Ова е прва јавна седница за жалбите за притворите.