Ќе му се израдуваме ли конечно на снегот?
Објавено во: Македонија 13 Јануари, 2018
Овој василичарски викенд кончено ќе видиме снег. Облачното време кое денес се очекува да донесе локален дожд, во недела ќе не израдува со врнежи од слаб снег.
Така барем најавуваат метеоролозите.
Врнежи денес се најавуваат во западниот регион во утринските часови, додека навчере тие ќе преминат кон Гевгелискиот регион.
Минималната температура денес ќе се движи помеѓу 1°С и 5°С додека максималната ќе биде помеѓу 5°С и 7°С во котлините од северниот регион.
Во повардарето, југозападниот крај, како и повисоките населени места во осоговскиот и малешевскиот крај се очекува температура со максимална вредност помеѓу 8°С и 10°С.
Врнежите ќе се интензивираат во недела попладне, кои кон приквечерието ќе преминуваат во снег.
Во текот на ноќта кон понеделник во североисточниот крај висината на снежната граница ќе се спушти до околу 300 метри, во централниот крај до околу 500 метри, додека во југозападниот крај снежната граница ќе биде до 900 метри.