ЌЕ ПОМИНЕ ЛИ ШПАНИЈА КАКО ЈУГОСЛАВИЈА: Што вели Јункер?
Објавено во: Свет 13 Октомври, 2017
Франс прес пишува дека Шпанија може да се разграничи со Каталонија по моделот на Словенија која во 1991 година стана независна од Југославија.
Агенцијата потсети дека медиумите го поддржаа отцепувањето на Словенија.
„Срцата на многу Словенци чукаат за Каталонците“ - вели Борут Пахор кој се кандидира повторно за претседател на Словенија.
Агенцијата пишува дека и Словенија и Каталонија имаат силна економија.
Словенија се одвои мирно и тоа по цели 9 месеци од одржување на референдумот.
Претседателот на Европската комисија Жан Клод Јункер изјави дека не сака Kаталонија да стане независна, затоа што тоа би охрабрило и други региони да го направат истото, со што управувањето на ЕУ би станало премногу комплицирано, пренесува Ројтерс.
„Доколку дозволиме Каталонија да се одвои, и другите ќе го направат истото. Тоа не го сакам“- изјави Јункер во говорот на Луксембуршкиот универзитет.
Тој истакна дека е „многу загрижен“ поради сепаратистичките тенденции во Европа и упати охрабрување до шпанскиот премиер Маријано Рахој да обезбеди ситуацијата да биде ставена под контрола.
Во врска со каталонските повици ЕУ да биде посредник, Јункер рече дека Комисијата не може да посредува доколку само една од страните го бара тоа.