Ќе работат и за помала плата ако им дадете да патуваат и уживаат
Објавено во: Финансии 25 Јануари, 2017
Анализата на сајтот Booking.com покажала дека лани деловните патници го продолжиле патот за некој ден повеќе за да посетат некој град плус или да ја видат земјата.
Повеќе од четвртина истото планираат да го направат и во 2017 година.
Ова покажува дека границата меѓу деловното и приватното е тенка.
Се покажало дека третина од вработените ќе работат и за помала плата ако имаат шанса почесто да патуваат.
При преговори за плата работодавците често ги занемаруваат деловните патувања.
Тие не се свесни дека патувањата се мотивација и начин како можат да ги задржат работниците во компанијата.
Истражувањето покажало дека 62% од луѓето сакаат времето во странство да го искористат за што повеќе активности, да ја видат атмосферата во различни градови, да го намалат времето за транспорт од и до аеродромот.
Во истражувањето биле вклучени 44.878 испитаници од 22 пазари.
Од Booking.com велат дека деловните патувања веќе не се сметаат за губење на време. Додаваат дека деловните патувања се гледаат како можност за инспирација и ширење на видици.