ЌЕ СЕ ИЗНЕНАДИТЕ: Колку Европејци немаат трансакциски сметки?
Објавено во: Финансии, Свет 20 Декември, 2016
138 милиони Европејци воопшто не поседуваат трансакциски сметки.
Ова го покажа истражувањето на компанијата „Мастеркард“, со кое беа анализирани жителите на Европа кои немаат пристап до официјалните финансиски текови.
Истражувањето покажува дека 138 милиони Европејци финансиски се отсечени од општеството. Тие немаат банкарски сметки или пристап до платните методи. Изненадува податокот дека 87% од „финансиски исклучени“ испитаници, целиот живот живеат во иста држава.
Една третина од Европејците (33 %) немаат постојана работа, а меѓу нив дури 35 проценти се на возраст од 18 до 34 години.
38% од Европејците плаќаат наем во готово и дури 88% од анкетираните останатите трошоци ги плаќаат со готовина.
Истражувањето укажа на значително зголемување на користење на технологиите во тој ист сегмент на општеството, па пристапот до технологиите преку паметен телефон се зголемил од 29% во 2013 година, на 49% годинава.
Сепак една четвртина испитаници (27%) и натаму сметаат дека не можат да пристапат до финансиските производи и услуги, што укажува на расчекор меѓу популацијата која користи технологии и таа која има пристап до финансиските производи и услуги.