Ќе се постигне ли рамнотежа на пазарот на нафта?
Објавено во: Економија 18 Април, 2017
Глобалниот пазар на нафтата е близу до воспоставување на рамнотежа.
Ова се случува по скоро три години прекумерна понуда, како резултат на намаленото производство на водечките извозници, чија цел беше да се неутрализира долготрајниот пад на побарувачката во најбогатите земји, соопшти Меѓународната агенција за енергетика (ИЕА).
„Спроведувањето на планот за намалување на производството меѓу членките и земјите што не се членки на Организацијата на државите извознички на нафта (ОПЕК) е импресивно“- стои во месечниот извештај на ИЕА.
Цената нафтата веќе некое време е околу 56 долари за барел, а намалувањето на понудата не доведе до брзо намалување на резервите. Делумно неуспехот на договорот е заради САД, кои ги зголемија приносите.