Ќе завршат ли протестите на работниците во „Еурокомпозит“ по средбата со Кочо Анѓушев?

Добивај вести на Viber

Се огласи владата по еднонеделниот протест на вработените во „Еурокомпозит“.

Претставниците од синдикатот и менаџерите на компанијата ќе разговараат со вицепремиерот Кочо Анѓушев за да најдат начин како да се реши големиот проблем со компанијата.

Имено, работниците се децидни во своите барања и не отстапуваат во ниедно од нив. Тие не бараат ништо повеќе од тоа што заслужиле и за коешто работеле- компанијата да започне да исплаќа бруто- плата и да се надоместат заостанатите придонеси од јуни 2012 година до денес.

-  Сега засега остануваме со протестите, додека не ја оствариме средбата. Доколку се успее да се најде некое заедничко решение, можеби ќе се прекинат овие штрајкови, а доколку не ќе продолжиме и порадикално. Ние досега имавме дветри средби со Анѓушев, а ова ќе ни биде четврта средба и ние настапуваме со истите ставови и со двете барања- неисплатените плати и бруто- плата- рече претседателот на синдикатот Роберт Богданоски.

- Ставот наш го повторивме и пред вработените, значи истото мислење го делат со нас за да нема отстапки од тие барања, зашто веќе десеттина години сме лажени и еднаш мора да дојде крај на оваа агонија- рече Цветан Бунтески, синдикален претставник во фирмата.