Коцијанчич: За отворање на пристапните преговори на Македонија одлучува Европскиот совет
Објавено во: Македонија 27 Март, 2017
Портпаролката на Европската комисијата, Маја Коцијанчич, денеска на прес-конференција во Брисел потврди дека за отворање на пристапните преговори на Македонија со Унијата одлучува Европскиот совет, а не Комисијата.
„Како што знаете, ние не коментираме коментари и јас нема да коментирам туѓи коментари. Но, вие сте свесни какви се правилата и препораките на Комисијата за отворање на преговорите со вашата земја, условена со имплементацијата, односно имплементирањето на договорот од Пржино и Итните реформски приоритети во земјата“ - вели таа.
Додава дека отворањето на пристапните преговори, кога овие услови ќе бидат исполнети е одлука што ќе ја донесе Советот.