Коцијанчиќ: Кој ќе дојде на вечера во Брисел ќе дознаете пред средбата
Објавено во: Македонија 19 Мај, 2017
Поради актуелната политичка ситуација во земјава уште не се знае кој од политичките лидери ќе присуствува на состанокот на лидерите од државите во регионот во Брисел, дали техничкиот премиер Емил Димитриев или мандатарот Зоран Заев.
Состанокот за 24 мај го свика шефицата на европската дипломатија Федерика Могерини, а денеска портпаролката Маја Коцијанчиќ не сакаше да открие кој премиер во име на Македонија ќе патува на неформална вечера.
Како што пренесе Мета повикувајќи се на изјавата на Кочијанчиќ имињата на учесниците ќе бидат потврдени непосредно пред посетата.
„Во овој момент можам да кажам дека поканите се испратени до премиерите, а имињата на учесниците ќе бидат потврдени непосредно пред посетата. Ќе ве замолиме за трпение, но до 24 мај ќе дознаете кој ќе дојде“, рекла портпаролката на Могерини, Маја Коцијанчиќ, одговарајќи на прашање кој ќе присуствува на средбата и дали Заев ќе добие посебна покана ако не успее дотогаш и официјално да ја формира владата.
Могерини, имено, за 24 мај ги повика лидерите на шест држави од регионот-Србија, Црна Гора, Косово, БиХ, Албанија. Црна Гора и Македонија, на неформална работна вечера, а портпаролката на ЕК Маја, изјави дека тој собир ќе послужи да се направи пресек на постигнатото од последната посета на шефицата на европската диполматија за регионот, во март годинава.